WILAYA YA MBARALI – MAUAJI.

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 16. 08. 2013.

WILAYA YA  MBARALI – MAUAJI.

MNAMO TAREHE  14.08.2013  MAJIRA YA  SAA 03:00HRS HUKO KATIKA KIJIJI CHA MADABAGA WILAYA YA  MBARALI MKOA WA MBEYA. DOTO S/O SODELA, MIAKA 26, MKULIMA, MSUKUMA,MKAZI WA KIJIJI CHA MADABAGA ALIUAWA KWA KUPIGWA FIMBO KICHWANI NA NDUGU ZAKE. CHANZO NI BAADA YA  MAREHEMU KUKATAA KUKAMATWA MAJIRA YA  SAA 23:00HRS KWA TUHUMA ZA KUTAKA KUMBAKA WAYAGA D/O MWINANIRA, MIAKA 14, MKULIMA/MFUGAJI, MSUKUMA MKAZI WA KIJIJI CHA MADABAGA WAKATI AKIWA MACHUNGANI MAJIRA YA  SAA 16:30HRS . WATUHUMIWA WATANO WAMEKAMATWA AMBAO NI 1.MUONDELA S/O JINAI,MIAKA 30, MSUKUMA, MKULIMA  2.SHIGELA S/O SODELA, MIAKA 33, MSUKUMA, MKULIMA 3.GERE S/O MWINANIRA, MIAKA 39, MSUKUMA, MKULIMA 4.MOSHILO S/O MWINANIRA, MIAKA 22, MSUKUMA, MKULIMA NA 5.VENGO S/O SODELA, MIAKA 29, MSUKUMA, MKULIMA WOTE WAKAZI WA KIJIJI CHA MADABAGA. MWILI WA MAREHEMU UMEFANYIWA UCHUNGUZI NA KUKABIDHIWA NDUGU KWA MAZISHI.TARATIBU ZINAFANYWA ILI WAFIKISHWE MAHAKAMANI .KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI  ANATOA WITO KWA JAMII  KUTOJICHULIA SHERIA MKONONI BADALA YAKE WAWAFIKISHE KATIKA MAMLAKA HUSIKA WATUHUMIWA WANAOWAKAMATA ILI SHERIA ICHUKUE MKONDO WAKE.

WILAYA YA  MBOZI – AJALI YA  MAGARI MAWILI KUGONGANA NA TREKTA NA
                                           KUSABABISHA VIFO NA MAJERUHI.

MNAMO TAREHE 15.08.2013 MAJIRA YA  SAA 20:30HRS HUKO KATIKA KIJIJI CHA CHIMBUYA BARABARA YA  MBEYA/TUNDUMA WILAYA YA  MBOZI MKOA WA MBEYA. GARI T.765 BBA AINA YA  SCANIA LILILOKUWA LIKITOKEA MBEYA MJINI KUELEKEA TUNDUMA LILIENDESHWA NA DEREVA AMBAYE BADO HAJAFAHAMIKA JINA WALA MAKAZI YAKE LILIGONGA  TREKTA AMBALO HALIJAFAHAMIKA NAMBA ZA USAJILI KISHA KULIGONGA GARI ACP 8839 AINA YA  SCANIA  MALI YA  KAMPUNI YA  USAFIRISHAJI YA  DHANDHO LILILOKUWA LIKITOKEA TUNDUMA KUELEKEA MBEYA MJINI DEREVA WA GARI HILO BADO KUFAHAMIKA. KATIKA AJALI HIYO WATU WATATU  WAWILI KATI YAO WALIKUWA KATIKA GARI T.765 BBA NA MMOJA NI DEREVA WA TREKTA  AMBAO HAWAJATAMBULIKA MAJINA WALA MAKAZI YAO,  WOTE WANAUME WALIFARIKI DUNIA PAPO HAPO.  AIDHA WATU WAWILI  WALIOKUWA KATIKA GARI ACP 8839 AMBAO PIA HAWAJATAMBULIKA WALIJERUHIWA NA WAMELAZWA  KATIKA HOSPITALI YA  RUFAA MBEYA.  MIILI YA  MAREHEMU IMEHIFADHIWA KATIKA HOSPITALI YA  SERIKALI VWAWA WILAYA YA  MBOZI. CHANZO CHA AJALI KINACHUNGUZWA. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI  ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA ZA USALAMA BARABARANI ILI KUEPUSHA AJALI ZINAZOWEZA KUEPUKIKA.

                                                                Signed by:

 [DIWANI ATHUMANI   - ACP]

KAMANDA WA POLISI MKOA WA MBEYA.